هي البنات عاوزه ايه!!!!!!!!!!!!!!!!!

البنت بتدور دايما على ولد (متقدرش تتحكم فية أو تسيطر عليه)عشان كده البنت بتلاقيها بتنجذب للولد اللي بيكلم بنات كتير اللي في لحظة بتحس أنه في حضنها وااللحظة التانية تحس أنه بعيد ودايما تهرب من الولد المسالم اللي بيمشي جنب الحيط اللي بتحس أنها ممكن تعملة خاتم في صباعها, ولو فهمت القاعده دي هتقدر تحول أي مطاردة لأي بنت في اللحظة اللي أنت عاوزها الي مطاردة عكسية فبدلا من أنك تفضل تجري وراها لازم توصل للحظة التحول وهي أنها تطاردك وتحاول ترمي شباكها عليك وتسجنك ودي من أمتع الأوقات مع أي بنت ولازم متقعش والا مش هتقف تاني فلازم تقرب وتبعد وتقرب وتبعد من غير ما تحسسها انك مش مهتم بيها أو مش موجود في حياتها.

خدعوك فقالوا:الحب

احنا ممكن نقسم البنات حسب نظرتهم للحب لكذا نوع:

أولا:بنت بتحب على نفسها من كتر ما سمعت كاظم الساهر واتفرجت على أفلام رومانسيه فتلاقيها على طول بتدور على الحب في اي ولد تعرفه وأي انجذاب بينها وبين أي ولد تقلبه قصة حب كبيره,بس في نفس الوقت أول عريس جاهز بيتقدم لها بتلاقيه مسكت في دباديبه ومتطيروش من ايديها,وفي من البنات دي نوع متطرف تلاقيهم وهما مخطوبين أو متجوزين يعيشوا مع أي حد قصة حب على السريع كده عشان يشبعوا نفسهم.
النوع ده من البنات لازم تستنزف مشاعرهم لأخر قطرة عشان ميتبقاش حاجة لزوج المستقبل المنتظر.

تانيا:بنت طموحة لدرجة أنها مش عارفة تحب أي انسان أرضي (يعني من كوكب الأرض)يعني له عيوب وشايفة أنها مش هتعرف تحقق طموحها المادي والنفسي الا بالزواج من واحد غني وذكي ووسيم وجامد فتلاقيها بتقول أن مفيش حاجة اسمها الحب من أول نظرة وأن الحب هو عبارة عن حب العشرة يعني بيتكون بعد الخطوبة والجواز وبعد 10 سنين تحب جوزها ومتقدرش تستغنى عنه.
البنت دي لما تلاقيها تقولها حب العشرة ده عبارة عن حب الحيوانات يعني لو سيادتك ربيتي قطة وأكلتيها وشربتيها ونيمتيها جنبك مش هتعرفي بعد كده تعيشي من غيرها وهتحبيها فعلا حب العشرة.

النوع التالت:بنت فعلا حبت بجد وعاشت قصة حب أجمل من الخيال وأعطت لحبيبها أكتر مما يتمناه,وطبعا حبيبها خد كل حاجة وقال يا فكيك لأنه من وجهة نظره البنت السهلة ممكن تبقى سهلة مع كل الناس(هما الصبيان كده البنت اللي تقلبهم يموتوا عليها ويموتوا عشان يكلموها والبنت الكاجوال تسقط من نظرهم)والبنت دي بتلاقيها بتكلم كذا ولد في نفس الوقت عشان لو أي واحد فرقع يبقى معاها استبن ,ودايما تقلك خلي اللي بينا صحوبية وصداقة ولو لقت صاحبك جامد هتقلبك عشانه
النوع ده لما تقابلها قابلها لوحدك ومتاخدش حد من أصحابك,واحجز ليها عند أقرب دكتور نفسي من مكان المقابلة.

النوع الرابع:بنت بتحب الولد اللي عاوز يتجوزها لأنها بتحس أنه فعلا بيحترمها وعنده استعداد أنه يأتمنها على حياته بعد كده.

الخوف من الرفض

للأسف معظم خوفنا من محاولة الكلام مع أي بنت هو خوف من الرفض ودي أكبر مشكلة لازم نتغلب عليها.
فمش معنى أن أي حد فينا مر بتجربة اترفضنا او اتقلبنا فيها أن العيب مننا لكن للأسف خوفنا بيسيطر علينا وبنخلينا منحاولش نكسب بالعكس نحاول نخرج بأقل خسارة.
بالعكس الرفض ده بيخليني أتعلم من غلطاتي وبرضة هأجرب مرة واتنين واترفض مرة واتنين لحد ما أعرف ازاي أتعامل مع أي موقف مع أي بنت,وكل مرة هأكون أحسن من اللي قبلها.
ثانيا كتير الرفض مش بيكون معناه أنها مش عاوزاك لكن بالعكس بتكون عاوزه توصلك رسالة أنك لازم تحاول أكتر عشان توصلها وأنها مش بنت سهلة.
لو بنت قلبتك أو رفضتك اوعى تحس بكسوف وتزعل وتسيبها وتمشي ,بالعكس لازم ثقتك بنفسك تظهر في الوقت ده ولازم قبل ما تسيبها تحسسها بأن الموضوع بالنسبة ليك مش مهم وأنها مش فارقة معاك وأنها قليلة الذوق,فمثلا ممكن تقولها:برافو عرفتي تضايقيني.